కేరళ ఎల్‌డిఎఫ్ రెబల్ ఎమ్మెల్యే అన్వర్‌పై కేసు

కేరళ నిలంబూరు వామపక్ష ఎమ్మెల్యే పీవీ అన్వర్‌పై కేసు నమోదైంది. సామాజిక కార్యకర్త థామస్ కె పీలియానికల్ ఫిర్యాదు మేరకు ఇక్కడి కారుకాచల్ పోలీసులు ఆయనపై కేసు నమోదు చేశారు. అన్వర్ టెలికమ్యూనికేషన్ సిస్టమ్‌ను హ్యాక్ చేసి, రాష్ట్రంలోని సీనియర్ అధికారుల ఫోన్‌లను ట్యాప్ చేసి తప్పుడు సమాచారాన్ని మీడియాతో పంచుకున్నారని పోలీసులు ఎఫ్‌ఐఆర్‌లో పేర్కొన్నారు. భారతీయ న్యాయ సంహిత (BNS) సెక్షన్ 192 కింద కేసు నమోదు చేశారు.

ADGP (లా అండ్ ఆర్డర్) MR అజిత్‌కుమార్, మరికొందరు ఇతర పోలీసు అధికారులపై అన్వర్ ఇటీవల పలు ఆరోపణలు చేశారు. తనకు, పతనంతిట్ట SP సుజిత్ దాస్‌కు మధ్య జరిగిన ఫోన్ కాల్‌ను కూడా విడుదల చేశారు. పోలీసుల అంతర్గత విషయాలను అన్వర్‌తో మాట్లాడిన దాస్‌ను విధుల నుంచి సస్పెండ్ చేశారు. మలప్పురం జిల్లాలో పోలీసు సూపరింటెండెంట్‌గా ఉన్న సమయంలో దాస్ చాలా అక్రమాలకు పాల్పడ్డాడని, ఆయనపై ఉన్నతాధికారులు ఏ చర్యలు తీసుకోలేదని ఆరోపించారు.