పానీపూరి తింటున్నారా? కొంచెం ఆలోచించండి.. ఎందుకంటే..

కర్నాటకలోని పానీ పూరీ బండీలను ఈ మధ్య ఫుడ్ సేప్టీ అండ్ స్టాండర్డ్స్ అథారిటీ ఆఫ్ ఇండియా అధికారులు పరిశీలించారు. అక్కడ తాము సేకరించిన శాంపిల్లో 22 శాతం అనారోగ్య కరమైన కృత్రిమ రంగులు, క్యాన్సర్ కు కారణమయ్యే కారకాలు ఉన్నట్లు గుర్తించామని వెల్లడించింది. కొన్ని రకాల శాంపిల్స్ అయితే మానవుల వినియోగానికి ఏ మాత్రం పనికిరావని కూడా తేల్చింది.

FSSAI ప్రకారం, సేకరించిన 260 నమూనాలలో, 41 నమూనాలలో కృత్రిమ రంగులు, క్యాన్సర్ కారకాలు ఉన్నాయి. మిగిలిన 18 నమూనాలు మానవ వినియోగానికి పనికిరావని తేలింది. FSSAI ఇప్పుడు రాష్ట్రంలోని తినుబండారాలలో ఆహార భద్రతా ప్రమాణాలను అమలు చేయడానికి అనేక చర్యలను ప్రారంభించాలని నిర్ణయించింది.

FSSAI సమస్యను వివరిస్తూ, IEC కార్యకలాపాల ద్వారా, "రెగ్యులర్ చెక్‌లు" నిర్వహించడం ద్వారా మాత్రమే ఇది సాధ్యమవుతుందని ఆహార భద్రత కమిషనర్ శ్రీనివాస్ కె ఫెడరల్‌తో అన్నారు. ప్రముఖ పానీ పూరీ తయారీ విధానంపై పలువురు తమకు ఫిర్యాదు చేయడంతో ఎఫ్‌ఎస్‌ఎస్‌ఏఐ దానిని అరికట్టాలని నిర్ణయించిందని ఆయన తెలిపారు.

రాష్ట్రవ్యాప్తంగా రోడ్డుపై, రెస్టారెంట్లలో పానీపూరీ అమ్మేవారి నుంచి పలు నమూనాలను సేకరించి పరీక్షించారు. వీటిలో గణనీయమైన సంఖ్యలో ఉన్న నమూనాలు ఏ మాత్రం వినియోగానికి పనికిరావు. పానీ పూరీ అమ్మే వారిలో చాలా మంది బ్రిలియంట్ బ్లూ, సన్ షైన్ పసుపు, టార్ట్రాజైన్ వంటి ఆహార రసాయన రంగులను ఉపయోగించారు.

ఇవి తీవ్రమైన ఆరోగ్య సమస్యలను కలిగిస్తాయి. ఉదాహరణకు, బ్లూ FCF అనే వాటి శాంపిల్లను పానీపూరీలో గుర్తించారు.వీటిని సాధారణంగా బ్లూ 1గా సూచిస్తారు, ఇది పెట్రోలియం నుంచి ఉత్పత్తి చేయబడిన సింథటిక్ డై. ఈ బ్లూ1 ఉన్న పానీ పూరీని తినడం వల్ల చర్మం పై దుద్దుర్లు, సున్నితమైన వ్యక్తుల్లో నాసికా అలర్జీలు వస్తాయి. కృత్రిమ రంగులు గుండె సంబంధిత సమస్యలు, మూత్రపిండ వ్యాధులకు కారణం అవుతాయి. శరీరంలో రోగనిరోధక శక్తి గణనీయ స్థాయిలో తగ్గిపోతుంది.

అంతకుముందు, కర్ణాటక ప్రభుత్వం గోబీ మంచూరియన్, కబాబ్స్, కాటన్ మిఠాయి వంటి వంటకాల్లో విస్తృతంగా ఉపయోగించే ఫుడ్ కలరింగ్ ఏజెంట్ రోడమైన్-బిని నిషేధించింది.ఫిబ్రవరిలో, తమిళనాడు ప్రభుత్వం కూడా కాటన్ మిఠాయిలో రోడమైన్-బి, టెక్స్‌టైల్ డై ఉన్నట్లు గుర్తించినందున వాటి అమ్మకం మరియు వినియోగాన్ని నిషేధించింది.