అక్రమ వలసదారుల కథలు వింటే నాకు కన్నీళ్లు వస్తున్నాయి: స్టాలిన్

కుంభమేళా లో జరిగిన తొక్కిసలాట, అమెరికాలోకి అక్రమంగా ప్రవేశించిన భారతీయులను ట్రంప్ ప్రభుత్వం సంకెళ్లు వేసి పంపడం పై తమిళనాడు సీఎం స్పందించారు. ఆయన బీజేపీని, దాని నేతృత్వంలోని కేంద్ర ప్రభుత్వంపై  విమర్శలు గుప్పించారు.

కుంభమేళాలో తగినంత ఏర్పాట్లు చేయలేదని ఆరోపించారు. చెన్నై సమీపంలోని అవడిలో శనివారం జరిగిన బహిరంగ సభలో స్టాలిన్ మాట్లాడుతూ.. తమిళనాడుకు కేంద్ర ప్రభుత్వం ద్రోహం చేసిందన్నారు.

రాష్ట్రంలో ప్రకృతి విపత్తులు సంభవించినప్పుడు కూడా కేంద్రం వాటా నిధులను విడుదల చేయలేదని, సాయం చేయడంలో కూడా వివక్ష చూపిస్తుందని ఆరోపించారు. కేంద్రం తనను సరిదిద్దుకోవాలి లేదా ప్రజలచేత సరిదిద్దబడుతుందని అని స్టాలిన్ హెచ్చరించారు.