సిగాచి యాజమాన్యం ముఖం చాటేయడం మీద ముఖ్యమంత్రి అసంతృప్తి

ఫ్యాక్టరీలో యాక్సిడెంట్స్ జరిగాయా, హిస్టరీ చూడండని కూడా చెప్పారు. ఇపుడుయాక్సిడెంట్ ఎందుకు జరిగిందో తనకు వెంటనే తెలియచేయాలని ఆయన అధికారులను ఆదేశించారు.

" ఇపుడు జరిగిన ప్రమాదానికి  స్పెసిఫిక్ రీజన్ తేల్చాలి. పరిశ్రమల్లో మళ్లీ ఇలాంటి ప్రమాదం జరగలేదు. డిటైల్ రిపోర్టు కావాలి. నిపుణలు కమిటీ ఏర్పాటు చేయండి. జనరల్ ఒపినియన్స్ వద్దు. ఇంతకుముందు ఇన్ స్పెక్షన్ చేసిన వాళ్లు వద్దు. వాళ్లు పాత కారణాలే చెబుతారు.  కొత్తనిపుణులతో కమిటీ వేయిండి.  బయటి నుంచి ఆఫీసర్లను తెప్పించండి. డిటైల్డ్ రిపోర్టు వెంటనే నాకు కావాలి. పాశమైలారం లో ఇలాంటి పరిశ్రమలుఉన్నాయా.లోపాలను గుర్తించి చెప్పారా, పరిశ్రమల వాళ్లు చర్యలు తీసుకున్నారా, కంపెనీల యాక్సిడెంట్స్ హిస్టరీ స్టడీ చేయండి.లోపాలు ఉంటే వాటి గురించి ఆలోచించండి. మళ్లీ ఇలాంటి ప్రమాదం జరగడానికి వీల్లేదు," అని ముఖ్యమంత్రి చెప్పారు.

డైరెక్టర్ ఫ్యాక్టరీస్ ను పిలిచి ఇన్ స్పెక్షన్ చేశావా అని ప్రశ్నించారు. ఏమయినా ఇస్యూస్ వుంటే యాజమాన్యానికి తెలిపారా అని అడిగారు.

ఫ్యాక్టరీలో ఎంత స్కిల్డ్ వర్కర్లున్నారు, ఎంత మంది అన్ స్కిల్డ్ వర్కర్లు ఉన్నారని యాజమన్యాన్ని ప్రశ్నించారు.

తన పర్యటన చేస్తున్నా యాజమాన్యం చెయిర్మన్ వంటి వక్తులు లేకపోవడం పట్ల అసంతృప్తి వ్యక్తం చేశారు. యాజమాన్యం ప్రతినిధులు నిన్న వచ్చి చూశారని కంపెనీ ప్రతినిధి ఒకరుచెప్పారు.

కంపెనీ తరఫున ఆర్థిక సహాయం , ఇన్స్యూరెన్స్ గురించి వివరాలు ఆడిగి తెలుసుకున్నారు. ఆసుపత్రిలో చికిత్స పొందుతున్నవారి ఖర్చుకుూడా భరించాలని ఆయన ఆదేశించారు

కంపెనీ ఇలాంటపుడు కంపెనీలు మానవతా దృక్పథంతో ఉండాలని ఆయన కంపెనీ యాజమాన్యాన్నిఆదేశించారు.

యాజమాన్యం ప్రతినిధులయిన ఎండి, చెయిర్మన్ లు కార్మిక మంత్రిని కలవాలని కూడా ఆయన ఆదేశించారు.

సిగాచి పరిశ్రమలో పడిపోయేందుకు ఉన్న భవనాలున్నాయి? వాటిని ఎలా తొలగించాలో ఆలోచించండి? కంపెనీ తరఫున బాధ్యత ఎవరు స్వీకరిస్తారో నిర్ణయించండి అని డిజాస్టర్ మేనేజ్ మెంట్  అధికారులను ముఖ్యమంత్రి ఆదేశించారు.

ముఖ్యమంత్రి రేవంత్ పాటు మంత్రులు శ్రీధర్ బాబు, దామోదర రాజనర్సింహ, వివేక్, పొంగులేటి శ్రీనివాస్ ఘటనాస్థలిని పరిశీలించారు. అనంతరం అక్కడి నుంచి బయలుదేరి వెళ్లి ఆస్పత్రిలో చికిత్స పొందుతున్న బాధితులను సీఎం రేవంత్ పరామర్శించనున్నారు.