HYDRAA | ఆలయ భూముల కబ్జాలపై హైడ్రా దృష్టి

- ఈ ఫిర్యాదుపై హైడ్రా కమిషనర్ ఏవీ రంగనాథ్ హైడ్రా, రెవెన్యూ, ఇరిగేషన్, దేవాయదాయ శాఖల అధికారులు,స్థానిక పోలీసులతో కలిసి క్షేత్రస్థాయిలో పర్యటించి ఆక్రమణలను పరిశీలించారు.

- హైడ్రా కార్యాలయంలో ప్రతీ సోమవారం జరుగుతున్న ప్రజా ఫిర్యాదులపై హైడ్రా కమిషనర్ స్పందించారు.కుత్బుల్లాపూర్ నియోజకవర్గంలోని జగద్గిరిగుట్టపై ఉన్న ఆలయ భూముల ఆక్రమణలపై వచ్చిన ఫిర్యాదుల నేపథ్యంలో హైడ్రా దీనిపై దృష్టి సారించింది.

- గోవిందరాజుల స్వామి ఆలయం కొలను, గుండం కబ్జా అవుతున్నట్టు పూజారి నరహరి వీడియోను కూడా హైడ్రా అధికారులకు చూపించారు. పర్కి చెరువు కబ్జాలను కూడా స్థానికులు కమిషనర్ కు చూపించారు.జగద్గిరి గుట్ట ఆలయసముదాయం,ఆలయ భూములను కమిషనర్ పరిశీలించారు.

2024 జులై నెలలో హైడ్రా ఏర్పాటు అయిందని అంతకు ముందు నిర్మించిన నివాసాల జోలికి హైడ్రా వెళ్లదని హైడ్రా కమిషనర్ ఏవీ రంగనాథ్ స్పష్టం చేశారు. 2024 జులై తర్వాత జరిగిన కబ్జాలపై మాత్రం చర్యలుంటాయని ఆయన వివరించారు. గూగుల్ మ్యాప్స్ పరిశీలించి 2024 జులై తర్వాత చేసిన చెరువుల కబ్జాలను గుర్తిస్తామని ఆయన పేర్కొన్నారు.శనివారం ఉదయం 11 గంటల నుంచి మధ్యాహ్నం 2 గంటలవరకు ఏవీ రంగనాథ్ అధికారులతో కలిసి ఆలయ భూముల కబ్జాతో పాటు పర్కి చెరువు కబ్జాలకు పరిశీలించారు.

కొందరు కుల సంఘాల పేరిట ఆలయాల భూముల కబ్జాలు చేసి సొంతానికి వాడుకోవడాన్ని కమిషనర్ ఏవీ రంగనాథ్ తీవ్రంగా పరిగణించారు. కులసంఘాల పేరిట కబ్జా చేసి ప్లాట్లు చేసి అమ్ముకోవడాన్ని కూడా సీరియస్ గా తీసుకున్నారు.ఆలయ భూముల కబ్జాదారులకు నోటీసులు ఇస్తామని ఆయన తెలిపారు.

హైడ్రా పోలీసు స్టేషన్ కూడా 15 రోజుల్లో పని ప్రారంభిస్తుందని హైడ్రా కమిషనర్ ఏవీ రంగనాథ్ చెప్పారు. కబ్జాదారులపై నాన్ బెయిలబుల్ కేసులు పెడతామని ఆయన పేర్కొన్నారు.హైడ్రా రాకతో కబ్జాలు ఆగుతున్నాయని త్వరలోనే ఆలయ భూములకు కూడా కబ్జాల నుంచి విముక్తి కలుగుతుందని స్థానిక ప్రజలు ఆశాభావం వ్యక్తం చేశారు.ఆలయ కబ్జాల నియంత్రణకు హైడ్రా తో కలసి పని చేస్తామని స్థానికులు చెప్పారు.

చెరువు, ఆలయ భూములు కబ్జాలు అవుతున్నా పట్టించుకోని స్థానిక అధికారుల నిర్లక్ష్యంపై ప్రభుత్వానికి నివేదిక సమర్పిస్తామని హైడ్రా కమిషనర్ రంగనాథ్ చెప్పారు. వచ్చే బుధవారం జగద్గిరి గుట్ట ఆలయ భూములతో పాటు పర్కి చెరువు కబ్జాలపై స్థానికులతో హైడ్రా కార్యాలయంలో సమావేశం ఏర్పాటు చేస్తామని ఆయన ప్రకటించారు.ప్రజలు అన్ని ఆధారాలతో హైడ్రా కార్యాలయానికి వచ్చి పత్రాలు అందజేయాలని ఆయన సూచించారు.

కబ్జాల పాలైన పర్కి చెరువును పరిరక్షించేందుకు వీలుగా పరిరక్షణ కమిటీ ఏర్పాటు చేసి, చెరువు కబ్జాకాకుండా కాపాడుతామని హైడ్రా కమిషనర్ ఏవీ రంగనాథ్ చెప్పారు. అధికారులకు సహకరించాలని ఆయన సూచించారు.స్థానికులు ఒక కమిటీగా ఏర్పడి దేవాలయ భూముల పరిరక్షణకు నడుం బిగించాలని కోరారు.ఈ రెండు కమిటీల వాట్సాప్ గ్రూప్ లలో తనను యాడ్ చేసి సమాచారాన్ని షేర్ చేయాలని రంగనాథ్ సూచించారు.

HYDRAA Commissioner Speaks to Media About Encroachments on Jagathgirigutta Temple Lands@TelanganaCMO @GHMCOnline @gadwalvijayainc @PrlsecyMAUD #hydraa pic.twitter.com/JMT79SemIW

— HYDRAA (@Comm_HYDRAA) January 18, 2025