కొడుకుని జంతుప్రపంచానికి చేరువ చేసిన హైదరాబాద్ ఐఎఫ్ఎస్ అధికారి

తెలంగాణ జూ పార్క్‌ల డైరెక్టర్ డాక్టర్ సునీల్ ఎస్.హీరేమఠ్ 2011వ బ్యాచ్ ఇండియన్ ఫారెస్ట్ సర్వీస్ అధికారి.కర్ణాటక రాష్ట్రానికి చెందిన సునీల్ కు చిన్ననాటి నుంచి అడవులు, పర్యావరణ పరిరక్షణ, వన్యప్రాణులంటే ఎంతో ఇష్టం. ఇదే ఆయన్ని అగ్రికల్చర్ నుంచి అడవుల వైపు నడిపించింది.అగ్రికల్చర్ ప్లాంట్ ఫిజియాలజీలో పీహెచ్‌డీ చదివి పిహెచ్ డి చేశారు. అయితే అభిరుచి ఆయన్ని ఇండియన్ ఫారెస్ట్ సర్వీసు వైపు నడిపించింది.. 2011లో తనకు ఇష్టమైన ఐఎఫ్ఎస్ అధికారిగా ఎంపికయ్యారు. తెలంగాణ క్యాడర్ అధికారి అయ్యారు. రాష్ట్రానికి అటవీశాఖ అధికారిగా వచ్చారు.

 జంతువులంటే తనకున్న ఇష్టంతో హైదరాబాద్ నెహ్రూ జూలాజికల్ పార్కు క్యూరేటర్ గా సునీల్ ఎస్ హీరేమఠ్ పనిచేశారు. ఆయన పనిచేస్తున్న కాలమంతా జంతు సంక్షేమం, ప్రజల్లో జంతువుల పట్ల బాధ్యత కలిగించడం, జంతు పరిరక్షణలో వాళ్లని భాగస్వాములను చేయడం, జూ జంతువులను దత్తత తీసుకునేలా చైతన్యం తీసుకురావడంలో ఆయన కార్యక్రమం అయింది. ఇందులో విజయవంతమయ్యారు. ఆయన క్యురేటర్ గా ఉన్నపుడు హైదరాబాద్ నెహ్రూ జూలాజికల్ పార్క్ చాలా ప్రశస్తి పొందింది. సందర్శకుల సంఖ్య కూడా పెరగింది. ఆ తర్వాత పదోన్నతిపై తెలంగాణ జూపార్కుల డైరెక్టరుగా ఈయన ప్రస్తుతం పనిచేస్తున్నారు.

 ఇపుడాయన తెలంగాణలో జూపార్కుల అభివృద్ధికి బాటలు వేస్తున్నారు. తెలంగాణలోని హైదరాబాద్, వరంగల్, మహబూబ్ నగర్ జూపార్కుల అభివృద్ధితో పాటు హైదరాబాద్ లో కొత్తగా మరో జూపార్కు ఏర్పాటు కోసం పనిచేస్తున్నారు. ఈయన హయాంలో హైదరాబాద్ జూపార్కుకు 2015 నుంచి ఇంటర్నేషనల్ స్టాండర్డ్ ఆర్గనైజేషన్ (ISO- 9001) నుంచి అయిదు సార్లు గుర్తింపు లభించింది.

 జంతువులే ఆ బాలుడి లోకం

నిత్యం జంతువుల బొమ్మలతో ఆడుకోవడమే కాదు, జూపార్కులో జంతువుల మధ్య తిరుగాడే అవకాశం యువన్ కు కల్పించారు. ఇపుడ యవన్ కు జంతువులే లోకంగా మారింది. తల్లిదండ్రులతో కలిసి నిత్యం జూపార్కులో సంచరించడం, జంతువులు, వన్యప్రాణుల విశేషాలు కళ్లారా చూస్తూఉండటం, అడవుల్లో ట్రెక్కింగ్ కు వెళ్లడం, జంతువులను చూసేందుకు సఫారీ రైడ్ కు వెళ్లడం నిత్యకృత్యంగా మారింది. దీనివల్లనే జంతువులు, వన్యప్రాణులంటే తన కుమారుడు యువన్ కు ఎంతో ఇష్టమని చెబుతారు తండ్రి సునీల్.

 తండ్రీ బాటలో తనయుడు...

 గత ఏడాది ఏడేళ్ల వయసులో ఏడు జంతువుల దత్తత

 ఎనిమిదేళ్ల వయసులో 8 జంతువుల దత్తత

 జూపార్కు జంతువులతో యువన్ కు అనుబంధం