‘ఇందిరమ్మ’ తో లబ్దిదారుల ‘ఇళ్లు’ గుల్లా

ప్రభుత్వం ప్రతిష్టాత్మకంగా చేపట్టిన ఇందిరమ్మ ఇంటి నిర్మాణం లబ్ధిదారులకు చేదు అనుభవాలు మిగులుస్తోంది. పెరిగిన ధరలు కంటిమీద కునుకు లేకుండా చేస్తుండగా..మరో వైపు కూలీలు, మేస్త్రీల కొరత తీవ్రంగా వేధిస్తోంది. వర్షాకాలంలో పనులు ప్రారంభించడంతో వాగుల వంకలలో ప్రవాహం ఉంటుందనే కారణంతో ఇసుక ధర అమాంతం పెంచేశారు.

వీటికి తోడు సిమెంట్ బస్తా, స్టీల్ కు కొరత ఏర్పడటంతో వాటి ధరను సైతం వ్యాపారులు పెంచేసి సొమ్ము చేసుకుంటున్నారు. అంతా ఏకకాలంలో పనులు ప్రారంభించడంతో ఇలా జరుగుతోందని పలువురు లబ్ధిదారులు చెబుతున్నారు.