KTR రేవంత్ పై కేటీఆర్ ఫుల్ ఫైర్..రేవంత్ కు కేటీఆర్ సూటి ప్రశ్నలు

రేవంత్ రెడ్డిపై ప్రధాన ప్రతిపక్షం బీఆర్ఎస్ వర్కింగ్ ప్రెసిడెంట్ కేటీఆర్(BRS Working President KTR) ఫుల్లుగా ఫైరయ్యారు. ట్విట్టర్(Twitter) వేదికగా రేవంత్(Revanth) ను ఉద్దేశించి కేటీఆర్ అనేక ప్రశ్నలు సంధించారు. ఆ ప్రశ్నల పరంపరలో రేవంత్ ను ఎవనిదిరా కుట్ర ? ఏంది ఆ కుట్ర ? అని మొదలుపెట్టారు. కొడంగల్(Kodangal) నియోజకవర్గం లగచర్ల గ్రామం(Lagacharla Village)లో కలెక్టర్ ప్రతీక్ జైన్(Collector Pratik Jain) పై దాడి జరిగిన విషయం తెలిసిందే. ఆ దాడిలో కీలకపాత్రదారుడిగా మాజీ ఎంఎల్ఏ పట్నం నరేందర్ రెడ్డిని పోలీసులు అరెస్టు చేసి రిమాండుకు పంపారు. ఈ సమయంలో కోర్టులో రిమాండు రిపోర్టు సబ్మిట్ చేశారు. అందులో దాడికి కేటీఆర్ అసలు సూత్రదారుడు అన్నట్లుగా పట్నం చెప్పినట్లు పోలీసులు చెప్పారు. దాంతో కేటీఆర్ ను పోలీసులు ఏ నిముషంలో అయినా అరెస్టు చేస్తారనే ప్రచారం బాగా పెరిగిపోతోంది. ఈ నేపధ్యంలోనే రేవంత్ ను ఉద్దేశించి కేటీఆర్ అనేక ప్రశ్నలు సందించారు.