టిపిసిసి క్రమశిక్షణ కమిటీ ఛైర్మన్ గా డాక్టర్ మల్లు రవి

తెలంగాణ కాంగ్రెస్ పార్టీ కార్యవర్గంలోని అనుబంధంగా ఉన్న అయిదు కమిటీలను అఖిలభారత కాంగ్రెస్ పార్టీ తాజాగా ప్రకటించింది. పార్టీ సీనియర్ నాయకుడు, మాజీ ఎంపి డాక్టర్ మల్లురవిని క్రమశిక్షణ కమిటీ చెయిర్మన్ గా నియమించారు. మల్లు రవి కాంగ్రెస్ పార్టీలో ఉన్న అరుదైన నాయకుడు. పార్టీ అధికారంలో ఉన్నా, లేకపోయినా విధేయతో విషయంలో మొదట చెప్పుకునే పేర్లేవయిన ఉంటే  మల్లు ఒకరు. అధికారం పోగానే పేరుమోసిన  కాంగ్రెస్ నాయకులు కూడా నిరాశలో పడిపోయి పార్టీ మారాలనుకోవడం, కనిపించకుండా పోవడమే జరుగుతుంది. కానీ మల్లు రవి ఒడిదుడుకులకు వెరవని నాయకుడు. ఎపుడూ పార్టీతోనే. ఆయనను క్రమశిక్షణ కమిటీ ఎంపికచేయడం జరిగింది.

ఇక, టీపీసీసీ కార్యవర్గంలో ప్రధాన పోస్టుల ఎంపిక వ్యవహారంలో ఏకాభిప్రాయం కుదరక పోవడంతో దాన్ని పెండింగులో పెట్టారు. తెలంగాణ ప్రదేశ్ కాంగ్రెస్ రాజకీయ వ్యవహారాల కమిటీ, టీపీసీసీ సలహా కమిటీ, డీ లిమిటేషన్ కమిటీ, సంవిధాన్ బచావో ప్రోగ్రామ్ కమిటీ, టీపీసీసీ క్రమశిక్షణ కమిటీలను ఏఐసీసీ అధ్యక్షుడు మల్లిఖర్చున్ ఖర్గే ఆమోదం తెలపడంతో ఏఐసీసీ జనరల్ సెక్రటరీ కేసీ వేణుగోపాల్ ప్రకటించారు.