డిజిటల్ అరెస్ట్‌ పేరుతో మోసపోయిన వృద్దుడు

డిజిటల్ అరెస్టు కేసులో తెలంగాణలో తాజాగా మరో ముగ్గురు నిందితులను పోలీసులు ఆదివారం అరెస్ట్ చేశారు. నిందితులు పండు వినీత్‌రాజ్, తిరుపతయ్య, గౌని విశ్వనాథామ్‌ను అరెస్టు చేసినట్లు పోలీసులు చెప్పారు. సైబర్‌ నేరగాళ్లకు బ్యాంకు ఖాతాలను పండు వినీత్‌రాజ్ సమకూర్చగా.. జాయింట్‌ హోల్డర్లుగా తిరుపతయ్య, విశ్వనాథం ఉన్నారు. నిందితులపై దేశవ్యాప్తంగా ఐదు కేసులుండగా.. వాటిలో తెలంగాణలోనే 2 కేసులు ఉన్నాయి. పరారీలో ఉన్న ప్రధాన నిందితుడు సందీప్ కోసం పోలీసులు గాలింపు చేపట్టారు. బాధితుడి నుంచి సిబిఐ అధికారులమంటూ రూ.1.92 కోట్లు వీరు కాజేశారు. ఫేక్ ఎఫ్ ఐ ఆర్ కాపీని పంపించి మోసం చేసినట్టు పోలీసు విచారణలో తేలింది. నవంబర్ 7-14 వరకు వివిధ బ్యాంకు ఖాతాల్లో బాధితుడు డబ్బు జమచేశాడు. ఆధార్ దుర్వినియోగంతో కేసు నమోదైందంటూ కేటుగాళ్లు బెదిరించారు. హైదరాబాద్ సైబర్ క్రైం పోలీసులు ఈ కేసును చేధించారు.