తెలంగాణ సీఎం రేవంత్‌కు విద్యావేత్తల సంచలన లేఖ
తెలంగాణలో కేంద్రీకృత వంటశాలల ఏర్పాటు చేయాలనే ప్రభుత్వ నిర్ణయాన్ని ఉపసంహరించుకోవాలని సీఎం రేవంత్ రెడ్డికి 51 సంఘాలకు చెందిన యాక్టివిస్టులు విజ్ఞప్తి చేశారు.
By : The Federal
Update: 2024-08-02 15:02 GMT
తెలంగాణ రాష్ట్రంలోని ప్రభుత్వ పాఠశాల విద్యార్థులకు అల్పాహారం, మధ్యాహ్న భోజనం అందించడానికి అక్షయ పాత్ర ఫౌండేషన్‌తో ప్రభుత్వం ఒప్పందం కుదుర్చుకోవడాన్ని తెలంగాణ మేధావులు, వివిధ సంఘాల ప్రతినిధులు, విద్యావేత్తలు ఖండించారు.
- రాష్ట్రంలోని అన్ని ప్రభుత్వ పాఠశాలలకు ప్రైవేట్ భాగస్వామ్యంతో కేంద్రీకృత కిచెన్ మోడల్ వైపు వెళ్లే ప్రయత్నాలు చేయడంపై తెలంగాణ విద్యావేత్తలు తీవ్ర ఆందోళన వ్యక్తం చేశారు. ప్రస్థుతం స్థానిక మహిళా సంఘాల భాగస్వామ్యంతో వికేంద్రీకృత పద్ధతిలో మహిళలు పాఠశాలల్లో వంట చేస్తున్నారని వారు పేర్కొన్నారు.
- కేంద్రీకృత వంటశాలల స్థానంలో పాఠశాలల్లో వంటశాలలు,స్థానిక కుక్‌లను నియమించడంతోపాటు వంట చేసేవారికి ప్రాధాన్యం ఇవ్వాలని విద్యావేత్తలు కోరారు. ఆహారాన్ని తాజాగా,స్థానిక అభిరుచులు, ప్రాధాన్యతల ప్రకారం తయారు చేయాలని వారు సూచించారు.
- పాఠశాలల్లో వండిన ఆహారం తాజాగా, పోషకపదార్థాలతో వేడిగా వండి వడ్డించాలని వారు కోరారు.మధ్యాహ్న భోజనం ద్వారా మహిళలకు ఉపాధి అవకాశాలు సృష్టించవచ్చని, విద్యార్థుల తల్లిదండ్రులు, ఉపాధ్యాయులు, పాఠశాల నిర్వహణ కమిటీలు ఆహార నాణ్యతను పర్యవేక్షించవచ్చని వారు పేర్కొన్నారు.
కేంద్రీకృత వంటశాలలతో సమస్యలు
కేంద్రీకృత వంటశాలల్లో పలు సమస్యలు ఉన్నాయని మేధావులు చెప్పారు. ఆహారం రుచిలేనిదిగా ఉంటుందని, వేడిగా ఉండదని వారు పేర్కొన్నారు. కేంద్రీకృత వంటశాలల వల్ల స్థానిక మహిళల జీవనోపాధికి దోహదం చేయదని వారు చెప్పారు. దీంతోపాటు రవాణ ఖర్చులు పెరుగుతాయని వారు చెప్పారు. ప్రైవేట్ సంస్థలు,ఎన్జీఓలు, ముఖ్యంగా హరే రామ - హరే కృష్ణ ఫౌండేషన్ వంటి మతపరమైన సంస్థలు తరచుగా ఆహారం తయారీపై వారి సొంత ఎజెండా ఉంటుందన్నారు. ఆహారంలో ఉల్లిపాయ-వెల్లుల్లి'సాత్విక్' కాదని నమ్ముతారని,సంస్థలు వారి మత విశ్వాసాల కారణంగా గుడ్లు, మాంసాన్ని అందించవని మేధావులు పేర్కొన్నారు.
కేంద్రీకృత వంటశాలలను మతపరమైన సంస్థలకు అప్పగించొద్దు
రాష్ట్రంలోని మధ్యాహ్న భోజనం, అంగన్‌వాడీ కేంద్రాల్లో గుడ్లను చేర్చడం దేశవ్యాప్తంగా ప్రశంసలు అందుకుందని, ఈ ఆహారాన్ని పోషకాహారంగా ఉపయోగపడుతుందన్నారు. తెలంగాణ రాష్ట్రంలోని మధ్యాహ్న భోజనంలో ఉల్లి,వెల్లుల్లి,గుడ్లు తప్పనిసరిగా ఉండాలని మేధావులు సూచించారు. మధ్యాహ్న భోజనం కోసం కేంద్రీకృత వంటశాలలను ప్రైవేట్, మతపరమైన సంస్థలు,అక్షయ్ పాత్ర ఫౌండేషన్ వంటి సంస్థలకు అప్పగించ వద్దని వారు కోరారు.
51 మంది విద్యావేత్తల లేఖ
తెలంగాణ సీఎం ఎ రేవంత్ రెడ్డికి రాసిన లేఖలో ప్రొఫెసర్ రమా మెల్కోటే, ప్రొఫెసర్ శాంత సిన్హా, డాక్టర్ వీణా శతృఘ్న,ప్రొఫెసర్ జి.హరగోపాల్,ప్రొఫెసర్. డి.నరసింహా రెడ్డి,ప్రొఫెసర్ పీఎల్ విశ్వేశ్వర్ రావు,ప్రొఫెసర్ సూసీ తరు,ప్రొఫెసర్ పద్మజా షా,ప్రొఫెసర్ ఐషా ఫరూకీ,ప్రొఫెసర్ కె లక్ష్మీ నారాయణ,ప్రొఫెసర్ జయశ్రీ సుబ్రమణియన్,హ్యూమన్ రైట్స్ ఫోరమ్ ప్రతినిధి జీవన్ కుమార్,రైతు స్వరాజ్య వేదిక ప్రతినిధి కన్నెగంటి రవి,గోగు శ్యామల,వి రుక్మిణి రావు,సాగరి రాందాస్,స్వతంత్ర జర్నలిస్ట్ కె.సజయ,కాన్ఫెడరేషన్ ఆఫ్ ఫ్రీ ట్రేడ్ యూనియన్స్ ఆఫ్ ఇండియా ప్రతినిధి లిస్సీ జోసెఫ్,ఆశాలత ఎస్,సత్యవతి కొండవీటి (భూమిక కలెక్టివ్),ఖలీదా పర్వీన్ (సామాజిక కార్యకర్త),సునీత (ఆల్ ఇండియా ఫెమినిస్ట్ అలయన్స్),ఎస్.సీతాలక్ష్మి (స్వతంత్ర పరిశోధకురాలు),శంకర్ (దళిత బహుజన్ ఫ్రంట్),మసూద్ (సామాజిక కార్యకర్త),కిరణ్‌కుమార్ విస్సా (రైతు స్వరాజ్య వేదిక),సౌమ్య కిదాంబి (స్వతంత్ర పరిశోధకురాలు),పద్మ వంగపల్లి (స్వతంత్ర జర్నలిస్ట్, వాయిస్ ఆఫ్ పీపుల్),ఆన్ జోసెఫ్ (తెలంగాణ డొమెస్టిక్ వర్కర్స్ యూనియన్),నికితా నాయుడు (క్లైమేట్ యాక్షన్),ఇందిర (నిరాశ్రయ శ్రామిక సంఘటన్),రుబీనా (సోషల్ యాక్టివిస్ట్),దీప్తి సిర్లా ,ఉషా రాణి (సామాజిక కార్యకర్త),కృష్ణ కుమారి (సామాజిక కార్యకర్త),సుమిత్ర (కార్యకర్త, అంకురం),వై కృష్ణ జ్యోతి (జర్నలిస్ట్),మరియా అరిఫుద్దీన్ (విద్యావేత్త),కనీజ్ ఫాతిమా (పౌర హక్కుల కార్యకర్త),షాలినీ మహాదేవ్ (రీసెర్చ్ స్కాలర్, యూనివర్సిటీ ఆఫ్ హైదరాబాద్),వర్ష (పరిశోధన పండితుడు),మందాకిని (న్యాయవాది),అడ్వా జంగయ్య (సామాజిక కార్యకర్త, షాద్‌నగర్),అంజు ఖేమానీ (విద్యా & వికలాంగ హక్కుల కార్యకర్త),కొండపల్లి శ్రీనివాసరావు (తెలంగాణ కార్మిక సంఘాల సమాఖ్య),చక్రధర్ బుద్ధ (సామాజిక కార్యకర్త),రుచిత్ ఆశా కమల్ (ఆల్ ఇండియా ఇంక్విలాబి యూత్ అండ్ స్టూడెంట్స్ అలయన్స్),క్రిసోలైట్ సనమండా (ఎరుపు తాడు ఉద్యమం),జాన్ మైఖేల్ (అర్బన్ స్ట్రగుల్స్ ఫోరమ్),వెంకటయ్య (తెలంగాణ వ్యవసాయ వృత్తిదారుల యూనియన్ - టీవీవీయూ),మీరా సంఘమిత్ర (నేషనల్ అలయన్స్ ఆఫ్ పీపుల్స్ మూవ్‌మెంట్స్) సంతకాలు చేశారు.