వెండితో పట్టుపీతాంబరం చీర, సిరిసిల్ల చేనేత కార్మికుడి ఘనత

సిరిసిల్ల చేనేత కళాకారుడు తనకున్న కళా నైపుణ్యంతో శతాబ్ద కాలం నాటి పట్టుపీతాంబరం చీరను నేసి ఔరా అనిపించారు. రాజన్న సిరిసిల్ల జిల్లాకు చెందిన నేత కార్మికుడు వెల్ది హరిప్రసాద్ చేనేత మగ్గంపై పురాతన కాలం నాటి పట్టు పీతాంబరం చీరను ఆర్డరుపై నేశారు. ఈ చీరలో వెండి దారాలను ఉపయోగించారు.

ఈ అరుదైన చీర 660 గ్రాములు బరువుందని, ఇందులో 362 గ్రాముల వెండిని ఉపయోగించి నేశానని హరిప్రసాద్ ‘ఫెడరల్ తెలంగాణ’కు చెప్పారు. సాధారణంగా చీర రెండు పక్కల అంచులు రన్నింగ్ లో వస్తుంది కానీ ఈ చీరలో బార్డర్ బుటా, మీనా వర్క్ అన్నీ కూడా చేతితో పెట్టి నేయడం విశేషం. శుక్రవారం ఈ చీరను హరిప్రసాద్ స్వప్నకు అందజేశారు.