మావోయిస్టుల పనయిపోయింది

విశాఖపట్నంలో ఏఎస్పీ నుంచి...

తెలంగాణ నూతన డిజిపిగా శివధర్ రెడ్డి నియామకమయ్యారు. అసిస్టెంట్ సూపరిండెంట్ ఆఫ్ పోలీస్ స్థాయి నుంచి డిజి స్థాయికి చేరుకున్న శివధర్ రెడ్డి 1994 బ్యాచ్ ఐపిఎస్ అధికారి. ప్రస్తుతం డిజిపిగా ఉన్న జితేందర్ పదవీకాలం సెప్టెంబర్ 30తో ముగియనుండటంతో కొత్త డిజిపి నియామకం అనివార్యమైంది. డిజిపి పదవి కోసం పోటీ పడుతున్న వారిలో 1991 బ్యాచ్ కు చెందిన సీవీ ఆనంద్, 1990 బ్యాచ్ కు చెందిన రవిగుప్తా ఉన్నారు. వీరిద్దరు శివధర్ రెడ్డి కంటే సీనియర్లు అయినప్పటికీ డిజిపి పదవి వరించలేదు. శివధర్ రెడ్డి ప్రస్తుతం ఇంటెలిజెన్స్ చీఫ్ గా ఉన్నారు. రంగారెడ్డి జిల్లాకు చెందిన శివధర్ రెడ్డి ఉస్మానియా యూనివర్శిటీ నుంచి ఎల్ ఎల్ బి పట్టభధ్రుడు. ఐపిఎస్ అధికారిగా మొదటిసారి ఉమ్మడి రాష్ట్రం విశాఖ పట్నంలోని నర్సీపట్నం, అనకాపల్లి, చింతపల్లి సబ్ డివిజన్లకు ఎఎస్పిగా పని చేశారు. తర్వాత గ్రే హౌండ్స్, డిఐజి స్పెషల్ (ఇంటెలిజెన్స్ బ్యూరో),వైజాగ్ పోలీస్ కమిషనర్, ప్రత్యేక తెలంగాణ ఏర్పాటు అయ్యాక ఇంటెలిజెన్స్ విభాగంలో పని చేశారు.