హన్మకొండ సిద్ధేశ్వరాలయంలో ఆత్మార్పణ శిలలు

హన్మకొండ సిద్ధేశ్వరాలయ ప్రాంగణంలో కొత్త తెలంగాణచరిత్రబృందం  రెండు ఆత్మార్పణశిలలను గుర్తించింది. ఈ బృందంలోని పరిశోధక సభ్యుడు కొలిపాక శ్రీనివాస్ వీటిని కనుగొన్నాడు.

 గుడిలో వున్న విడిశిల్పాలలో నంది ముందు రెండు వీరగల్లున్నాయి. ఇవి రెండు ఏనుగులతో కనిపించే విశేషశిల్పాలు. వీటిలో వీరులు తమ కంఠాలను కత్తులతో ఉత్తరించుకుంటున్నారు. వారికి రాజలాంఛనాలైన ఛత్రాలుపట్టి వుండడంవల్ల వారు రాచకుటుంబీకులై శివసాయుజ్యంకోరి ఆత్మార్పణలు చేసుకుంటున్నారనిపిస్తుందని కొత్త తెలంగాణచరిత్రబృందం కన్వీనర్ శ్రీరామోజు హరగోపాల్ తెలిపారు.