వాయనాడ్ కొండచరియలు విరిగిపడిన ఘటనలపై కేరళ కీలక నిర్ణయం

గత ఏడాది వయనాడ్ లో కొండచరియలు విరిగిపడి ఇంకా ఆచూకీ దొరకని వారందరిని చనిపోయినట్లు ప్రకటించాలని కేరళ ప్రభుత్వం భావిస్తోంది. బాధిత కుటుంబాలకు నష్టపరిహారం అందించాలంటే కొన్ని నిబంధనలు అడ్డుగా వస్తున్నాయని, అందుకే ప్రభుత్వం ఈ చర్య తీసుకోవాలని నిర్ణయించుకుంది.

ఈ నిర్ణయం బాధిత కుటుంబాలకు భారీ ఉపశమనం కలిగించింది. ఈ విషయం పై తప్పిపోయిన వారి జాబితాలను పరిశీలించాలని రెవిన్యూ శాఖ అధికారులు సహ స్థానిక, జిల్లా, రాష్ట్ర స్థాయి కమిటీలను ఏర్పాటు చేయాలని మంగళవారం ప్రభుత్వం ఆదేశాలు జారీ చేసింది.

స్థానిక కమిటీలో పంచాయతీ కార్యదర్శి, గ్రామ అధికారి, సంబంధిత పోలీస్ స్టేషన్ ల హౌజ్ ఆఫీసర్ సభ్యులు ఉంటారు. ఈ కమిటీ తప్పిపోయిన వ్యక్తుల జాబితాను సిద్ధం చేసి పరిశీలన కోసం జిల్లా విపత్తు నిర్వహణ అథారిటీ (డీడీఎంఏ)కి అందజేస్తుంది.