కేరళ: చీకటి శక్తులను అణచివేయాలి

“మణిపూర్, ఇతర ఉత్తర భారత రాష్ట్రాల్లో, చీకటి శక్తులు దాడులకు దిగడంతో క్రైస్తవ సమాజం దౌర్జన్యాలను ఎదుర్కొంటోంది. రాజ్యాంగం అందించిన మైనారిటీ హక్కులను పొందడం చాలా కీలకం. CAA చిక్కులను సమాజం గ్రహించాలి. విభజన శక్తులకు వ్యతిరేకంగా నిలబడాలంటే మన అభిప్రాయాలను వ్యక్తీకరించే హక్కును వినియోగించుకోవాలి. మేము CAA సమస్యపై మా సోదరులకు మద్దతు ఇవ్వాలి.మతపరమైన ఆధిపత్యానికి వ్యతిరేకంగా కలిసి నిలబడాలి, ఇది సంకుచిత మనస్తత్వానికి సంకేతం, ”అని మోన్సిగ్నర్ థామస్ జె నెట్టో అన్నారు.

కేరళలో క్రైస్తవులు గుడ్ ఫ్రైడేను పాటించగా, మణిపూర్ హింసకు సంబంధించిన సమస్యలను లేవనెత్తింది కేవలం థామస్ జె నెట్టో మాత్రమే కాదు, సైరో మలబార్ క్యాథలిక్ చర్చి ఆధ్వర్యంలోని చంగనాచెరి ఆర్కిపార్కీకి చెందిన సహాయక బిషప్ మార్ థామస్ తరయిల్ కూడా తన ప్రార్థనల సమయంలో ఈ ఆందోళనలను ప్రస్తావించారు. వ్యక్తులను లొంగదీసుకోవడానికి భయాన్ని ఆయుధంగా వాడుకుంటున్నారని అన్నారు. దేశంలో ఒక్కరైనా భయంతో జీవిస్తున్నారంటే అది దేశ వైఫల్యం కిందే లెక్కని ఆయన ఉద్ఘాటించారు.

రాష్ట్రవ్యాప్తంగా పలు చర్చిల్లో, వివిధ క్రైస్తవ వర్గాలకు చెందిన వారు, సమాజంపై జరుగుతున్న అకృత్యాలను గుడ్ ఫ్రైడే ప్రసంగాల్లో ప్రముఖంగా ప్రస్తావించారు.

ఈ గుడ్ ఫ్రైడే ప్రత్యేక ప్రాముఖ్యతను కలిగి ఉంది, కొన్ని క్రిస్టియన్ తెగల నుంచి మద్దతు కోసం బిజెపి ప్రయత్నాలు చేస్తోంది. ఈ ప్రయత్నాలు గత సంవత్సరం ఈస్టర్ వారంలో ఇళ్ల సందర్శనలతో ప్రారంభమయ్యాయి. ఢిల్లీలో క్రైస్తవ బిషప్‌లకు ప్రధాన మంత్రి నరేంద్ర మోదీ ఆతిథ్యం ఇవ్వడంతో కొనసాగింది. చాలా మంది చర్చి నాయకులు కమలదళం వైపు మొగ్గు చూపుతున్నట్లు కనిపించారు. కేరళలోని ఒక జంట పాస్టర్లు కూడా పార్టీలో చేరారు.

అయితే, మణిపూర్ హింసాకాండ, తదనంతర సంఘటనల తర్వాత, ఈ ఊపు తగ్గుతూ వచ్చింది. కేంద్రంలో అధికారాన్ని నిలబెట్టుకోవాలనే లక్ష్యంతో ఉన్న పార్టీ ఈ చర్య వెనుక ఉందని పలు క్రైస్తవ మిషనరీలు భావిస్తున్నాయి. ఎన్నికలు సమీపిస్తున్న తరుణంలో మణిపూర్ అల్లర్లను కప్పిపుచ్చే ప్రయత్నం జరుగుతోందని త్రిసూర్ క్యాథలిక్ ఆర్చ్ డియోసెస్ తన మౌత్ పీస్ కాథలిక్ సభ నవంబర్ ఎడిషన్‌లో పేర్కొంది స్పష్టంగా పేర్కొంది.

అంతకుముందు, కొంతమంది బిషప్‌లు మరియు చర్చిల అధిపతులు బిజెపి పట్ల మెతక వైఖరిని తీసుకోవడం ప్రారంభించారు. రాష్ట్రంలో రబ్బరు ధరలను పెంచుతామని ఇచ్చిన హామీని నెరవేరుస్తే బీజేపీకి ఓటు వేయడానికి తమకు ఎలాంటి అభ్యంతరం లేదని తలస్సేరి ఆర్చ్‌బిషప్ జోసెఫ్ పాంప్లానీ కూడా ప్రకటించారు. కానీ మణిపూర్ పరిస్థితి తరువాత, అదే ఆర్చ్ బిషప్ విశ్వాసుల ఒత్తిడి కారణంగా తన వైఖరిని మార్చుకుని కేంద్రంలోని బిజెపి ప్రభుత్వాన్ని ఖండించవలసి వచ్చింది.

కేరళ జరిగే ఏ ఎన్నికల్లో అయిన గెలవడానికి హిందూవుల ఓట్లే కాకుండా ఇతర వర్గాల మద్దతు బీజేపీకి అవసరం. అందుకే క్రైస్తవ సమాజాన్ని నుంచి ప్రయోజనం పొందడానికి విశ్వ ప్రయత్నాలు చేస్తోంది. తిరువనంతపురం త్రిస్సూర్ వంటి నియోజకవర్గాలలో వారు గెలుపొందాలని చాలా ఆశలు పెట్టుకున్నారు. క్రైస్తవ సంఘం వారి నిర్ణయాత్మక ఓట్లతో ఈ స్థానాల్లో గణనీయమైన ప్రభావాన్ని చూపుతుంది.

త్రిస్సూర్‌లో అభ్యర్థిగా మారిన నటుడు సురేష్ గోపి, త్రిస్సూర్‌లోని అవర్ లేడీ ఆఫ్ లూర్దేస్ మెట్రోపాలిటన్ కేథడ్రల్‌కు బంగారు కిరీటాన్ని విరాళంగా ఇవ్వడంతో వార్తల్లో నిలిచారు. అయితే ఆ కిరీటం పూర్తిగా బంగారంతో చేయలేదని తేలడంతో వివాదం రేగింది. అయినప్పటికీ, అతను గత ఆదివారం నిర్వహించిన వివిధ చర్చి కార్యక్రమాలలో చురుకుగా పాల్గొన్నాడు.

తిరువనంతపురం, పతనంతిట్టలో బీజేపీకి తక్కువ స్థాయి ఓట్లు వస్తుందని భావిస్తొంది. ఈ రెండు నియోజకవర్గాల్లో క్రైస్తవ సామాజికవర్గం ఓట్లు గణనీయంగా ఉన్నాయి. తిరువనంతపురంలోని కోవలం, నెయ్యట్టింకర పరస్సల వంటి అసెంబ్లీ సెగ్మెంట్లలో లాటిన్ కాథలిక్ ఓట్లు ఆధిపత్యం చెలాయిస్తున్నాయి. రాజకీయ పరిశీలకుల అభిప్రాయం ప్రకారం, మణిపూర్ హింసాకాండకు వ్యతిరేకంగా లాటిన్ మతగురువుల దృఢ వైఖరి, పరోక్షంగా బిజెపిని లక్ష్యంగా చేసుకోవడం వల్ల వ్యతిరేక ఫలితాలు వచ్చే అవకాశం ఉంది.

కాంగ్రెస్ దిగ్గజం, మాజీ రక్షణ మంత్రి ఎకె ఆంటోనీ కుమారుడు అనిల్ ఆంటోనీ బిజెపి అభ్యర్థిగా పోటీ చేస్తున్న పతనంతిట్టలో ఆర్థడాక్స్ చర్చి నుంచి మద్దతు పొందేందుకు ఆ పార్టీ విశ్వప్రయత్నాలు చేస్తోంది. కేరళ కాంగ్రెస్‌కు చెందిన ప్రభావవంతమైన నాయకుడు, మాజీ ఎమ్మెల్యే అయిన పిసి జార్జ్‌ని ఇటీవలే ఏర్పాటు చేసిన తన పార్టీ జనపక్షాన్ని బిజెపిలో విలీనం చేయడంలో వారు విజయం సాధించారు. అయితే, జార్జ్‌ను పార్టీ టికెట్ కోసం పట్టించుకోకపోవడంతో రాజకీయాలలో అనుభవం లేని అనిల్ ఆంటోనీని ఎంపిక చేయడంతో ఇప్పుడు ఉదాసీనంగా కనిపిస్తున్నారు.

మణిపూర్ హింసాకాండ, దాని తదనంతర పరిణామాలకు వ్యతిరేకంగా అనేక క్రైస్తవ వర్గాలు దృఢమైన వైఖరిని అవలంబించడంతో, BJP యొక్క సామాజిక ఇంజనీరింగ్ వ్యూహం కేరళలో ఒక ముఖ్యమైన రోడ్‌బ్లాక్‌ను ఎదుర్కొన్నట్లు కనిపిస్తోంది.