వంగరను మళ్ళీ వార్తల్లోకి ఎక్కించిన యంగ్ మహిళా ఎస్సై

వంగర మరోసారి వార్తల్లోకెక్కింది. వంగర అంటే తెలుగునాట ఠక్కున గుర్తుకు వచ్చేది మాజీ ప్రధాని పీవీ నరసింహరావు. ఆయన స్వగ్రామమే వంగర. చాలా సంవత్సరాల తరువాత ఈ గ్రామం పేరు మరోసారి పతాకశీర్షికలకెక్కింది.

దీనికి కారణం ఓ చిన్న ఆఫీసర్ చేసిన అసాధారణ పని. తెలంగాణలో మొట్టమొదటిసారి సైకిల్ పెట్రోలింగ్ ప్రారంభించి, ప్రజల చేతే కాదు ఏకంగా సీఎం ఏ. రేవంత్ రెడ్డి చేత శభాష్ అనిపించుకున్నారు. ‘ది ఫెడరల్ ’ ఎస్సైతో మాట్లాడేందుకు ప్రయత్నిస్తున్న సమయంలో ఓ సన్నివేశం కనిపించింది.