మూసీ, మంజీరాలో మొసళ్లు...బిగ్ అలర్ట్

మంజీరాలో మొసళ్లు బాబోయ్

మంజీరా వన్యప్రాణుల అభయారణ్యం నుంచి సంగారెడ్డి, మెదక్ జిల్లాల నీటిపారుదల చెరువులు, వ్యవసాయ భూముల్లోకి మొసళ్లు వస్తుండటంతో రైతులు తీవ్ర ఆందోళన చెందుతున్నారు. పొలాల్లో మొసళ్లు దర్శనమిస్తుండటంతో తాము పొలాలకు ఎలా వెళ్లాలని రైతులు ప్రశ్నిస్తున్నారు. సదాశివపేట మండలంలోని కోల్కూరు గ్రామంలోని చిన్న నీటిపారుదల చెరువులో మొసలి కనిపించింది. చెరువు చుట్టూ ఉన్న పొలాల రైతులు మొసలిని చూసి భయాందోళనలు చెందుతున్నారు. సింగూర్ ప్రాజెక్టు ఎగువన, మంజీరా నది వెంట మొసళ్లు ఎక్కువగా కనిపిస్తున్నాయి. మొసళ్ల కదలికలపై అటవీశాఖ అధికారులు నిఘా వేసి వాటిని పట్టుకొని జూపార్కుకు తరలించాలని రైతులు కోరుతున్నారు.