గుల్జార్‌హౌస్ ప్రమాదంపై ఫోరెన్సిక్ విచారణ,ఏసీ కంప్రెషర్ పేలుడే కారణం
గుల్జార్ హౌస్ అగ్నిప్రమాదంపై క్లూస్ ,ఫోరెన్సిక్ టీం విచారణ మంగళవారం ముగిసింది. ఏసీల్లోని కంప్రెషర్ పేలుడు వల్లే ఈ అగ్నిప్రమాదం జరిగిందని వెల్లడైంది.;
గుల్జార్ హౌస్ అగ్నిప్రమాదంపై క్లూస్ ,ఫోరెన్సిక్ టీం విచారణ మంగళవారం ముగిసింది. ఏసీల్లోని కంప్రెషర్ పేలుడు వల్లే ఈ అగ్నిప్రమాదం జరిగిందని వెల్లడైంది. ప్రమాదం జరిగిన తర్వాత క్లూస్ ఫోరెన్సిక్ టీం అధికారులు లోపలికి వెళ్లి విచారణ జరిపారు. గుల్జార్ హౌసులో అగ్ని ప్రమాద కారణాలపై అధికారులు ఏసీ కంప్రెషర్ పేలుడు కారణమని నిర్ధారణకు వచ్చారు.ఇంటి మొత్తంలో 14 ఏసీలు ఉన్నట్లు అధికారులు గుర్తించారు.ఏసీ కంప్రెషరు పేలడంతో గ్రౌండ్ ప్లస్ టు అంతస్తుల భవనం మొత్తం తునా తునకలు అయింది.
మూడు అంతస్తుల భవనంలో వస్తువులన్నీ పనికి రాకుండా పోయాయి.గోడలు మొత్తం పగుళ్లు వచ్చినట్లు గుర్తించారు. మంటల వేడి వల్ల భవనం మొత్తం పగుళ్లు ఏర్పడింది.ఫ్లోర్ లో ఉన్న టైల్స్ ,మార్బుల్స్ మొత్తం కూడా ముక్కలయ్యాయి.భవన నిర్మాణంలో నాణ్యతపై అధికారులు అనుమానాలు వ్యక్తం చేశారు.గుల్జార్ హౌస్ ప్రమాదం పై విచారణకు ఇప్పటికే ప్రభుత్వం హై లెవెల్ కమిటీని నియమించింది.