గ్రూప్ 1 నియామకాలపై హైకోర్టులో విచారణ

గ్రూపు 1 పిటిషన్లపై హైకోర్టులో విచారణ కొనసాగుతోంది. గ్రూప్ 1 పరీక్షలను రద్దు చేసి మళ్లీ పరీక్షలు నిర్వహించాలని పిటిషనర్ల తరపు న్యాయవాది విద్యా సాగర్ వాదనలు వినిపించారు. మెయిన్స్ మూల్యాంకనంలో అక్రమాలు జరిగాయని పున: మూల్యాంకనం చేయాలని లేని పక్షంలో పరీక్షలు రద్దు చేయాలని ఆయన వాదించారు. ఏప్రిల్ లో గ్రూప్ 1 నియామకాలపై హై కోర్టు స్టే విధించిన సంగతి తెలిసిందే. ఆ స్టేను ఎత్తి వేయాలని ఎంపికైన అభ్యర్థులు కోరుతున్నారు. పిటిషనర్ల తరపు వాదనలు పూర్తి చేయాలని హైకోర్టు సూచించింది. ఏదైనా అభ్యర్థన ఉంటే లిఖిత పూర్వకంగా కోర్టుకు సమర్పించాలని ఆదేశించింది.