నెరవేరని ఎన్నికల వాగ్ధానం, తెలంగాణ చెరకు రైతులకు చేదు అనుభవం

తెలంగాణ రాష్ట్రంలోని నిజాం షుగర్స్ ఆధీనంలో బోధన్, ముత్యంపేట, లక్ష్మీపూర్ ఫ్యాక్టరీలను 2014వ సంవత్సరంలో మూతపడ్డాయి. మూతపడిన ఫ్యాక్టరీలను తెరిపిస్తామని ఎన్నికల సమయంలో కాంగ్రెస్ పార్టీ నేతలు ఇచ్చిన హామీలు నెరవేరలేదు. దీంతో చెరకు రైతులు తీవ్ర ఆందోళన వ్యక్తం చేశారు.అధిక ఇన్‌పుట్ ఖర్చులు, కార్మికుల కొరత, నష్టాల వల్ల నిజాం షుగర్స్ మిల్లుల మూసివేశారు. దీని కారణంగా చెరకు సాగు విస్తీర్ణం తగ్గుదల ఏర్పడింది.తెలంగాణలో నిజాం షుగర్ ఫ్యాక్టరీ (NSF)నిజామాబాద్ కోఆపరేటివ్ షుగర్ ఫ్యాక్టరీ (NCSF) పునరుద్ధరించే ప్రయత్నాలు ఇప్పటివరకు ముందుకు సాగలేదు.కాంగ్రెస్ నెరవేర్చని హామీతో చక్కెర కర్మాగారాల పునరుద్ధరణ కాలేదు. చెరకు కర్మాగారాల పునరుద్ధరణ ఇప్పట్లో సాధ్యమయ్యేలా కనిపించడం లేదని చెరకు రైతుల సమాఖ్య అధ్యక్షులు చెన్నమనేని శ్రీనివాసరావు ‘ఫెడరల్ తెలంగాణ’కు చెప్పారు. ప్రభుత్వం ఆధ్వర్యంలోనే షుగర్ ఫ్యాక్టరీలను పునరుద్ధరించాలని చెరకు రైతులు కోరుతుండగా రాష్ట్ర ప్రభుత్వం సహకారం రంగం ఆధ్వర్యంలోనే ఫ్యాక్టరీలు ప్రారంభిస్తే నిధులు ఇస్తామని చెబుతుందన్నారు. చెరకు సాగు విస్తీర్ణం పెంచాలంటే ప్రభుత్వమే చెరకు ఫ్యాక్టరీలు ప్రారంభించాలని శ్రీనివాసరావు డిమాండ్ చేశారు.