కెటిఆర్ అరాచకాలపై పుస్తకం రాస్తా: మైనంపల్లి

బిఆర్ఎస్ వర్కింగ్ ప్రెసిడెంట్ కెటిఆర్ అరాచకాలపై తాను పుస్తకం రాస్తానని కాంగ్రెస్ సీనియర్ నేత మైనంపల్లి హన్మంత్ రావు వెల్లడించారు.భార్యాభర్తలను విడదీసిన చరిత్ర కెటిఆర్ ది అని విమర్శించారు. కెటిఆర్ జైలు ఊచలు లెక్క బెట్టే రోజులు దగ్గరపడ్డాయన్నారు. కెటిఆర్, హరీష్ రావులను అరెస్ట్ చేయడానికి రేవంత్ రెడ్డి ఎందుకు ముందుకు రావడం లేదని మైనంపల్లి ప్రశ్నించారు. జర్నలిస్ట్ స్వేచ్చ చనిపోవడానికి కెటిఆర్  మాత్రమే కారణమని ఆయన అన్నారు. గాంధీభవన్ లో ఆయన మీడియా సమావేశంలో మాట్లాడారు.