‘వైద్యం సరిగా చేయడంలేదనే అనుమానంతో ఏడుసార్లు కత్తితో పొడిచాడు’

బెంగాల్ లోని ఆర్జీకర్ ఆస్పత్రిలో జూనియర్ వైద్యురాలిపై జరిగిన క్రూరమైన అత్యాచారం, హత్య సంఘటన మరువక ముందే చెన్నైలో ఓ వైద్యుడిపై దాడి జరిగింది. క్యాన్సర్ తో బాధపడుతున్న తన తల్లికి వైద్యులు సరైన చికిత్స అందించడం లేదని మనస్తాపానికి గురైన ఓ రోగి కుమారుడు ప్రభుత్వ ఆస్పత్రిలోని వైద్యుడిని ఏడుసార్లు  కత్తితో పొడిచినట్లు పోలీసులు తెలిపారు.

నిందితుడు కూడా ఇదే ఆస్పత్రిలో అటెండర్ గా పని చేస్తున్నాడని, ప్రస్తుతం అతడిని అదుపులోకి తీసుకున్నట్లు తెలిపారు. దాడికి గురైన వైద్యుడికి చికిత్స జరుగుతోందని, ప్రస్తుతం అతడి ఆరోగ్యం నిలకడగా ఉన్నట్లు ఆస్పత్రి అధికారులు తెలిపారు.