బీజేపీ ఎమ్మెల్యే కోడ్ ఉల్లంఘన..నిలదీసిన మహిళలు
ఆదిలాబాద్ బీజేపీ ఎమ్మెల్యే పాయల శంకర్ పోలింగ్ పర్వంలో కోడ్‌ను ఉల్లంఘించారు.కాషాయ కండువా వేసుకొని పోలింగ్ కేంద్రానికి రావడంతో మహిళలు ఆయనపై ఆగ్రహం వ్యక్తం చేశారు.
By : The Federal
Update: 2024-05-13 10:37 GMT
పార్లమెంట్ ఎన్నికల పోలింగ్ సందర్భంగా ఆదిలాబాద్ పట్టణంలోని పోలింగ్ కేంద్రంలో బీజేపీ ఎమ్మెల్యే పాయల శంకర్ కోడ్ ఉల్లంఘించారు.
- కాషాయ కండువాతో పోలింగ్ బూత్‌ను సందర్శించడంపై బీజేపీ ఎమ్మెల్యే పాయల్ శంకర్ పై విమర్శలు వెల్లువెత్తాయి. - ఆదిలాబాద్ బీజేపీ ఎమ్మెల్యే పాయల్ శంకర్ సోమవారం జిల్లాలో పోలింగ్ సందర్భంగా కాషాయ కండువా ధరించి పోలింగ్ కేంద్రాలను సందర్శించడంపై మహిళలు ఆగ్రహం వ్యక్తం చేశారు.
- కాషాయ కండువాతో పోలింగ్ కేంద్రానికి వచ్చిన ఎమ్మెల్యే శంకర్ ను చూసిన ఇద్దరు మహిళలు ప్రశ్నించారు. దీంతో ఎమ్మెల్యే అనుచరులు పోలింగ్ బూత్ వద్ద మహిళల వైఖరిని వ్యతిరేకించారు.
- ఎన్నికల నియమావళి అమలులో ఉండగా కాషాయ కండువాలు ధరించి పోలింగ్ కేంద్రానికి ఎలా వస్తారని మహిళలు ప్రశ్నించారు. దీంతో ఎమ్మెల్యే శంకర్, అతని అనుచరులు మహిళలను శాంతింపజేసేందుకు ప్రయత్నించారు.
పోలీసులను ప్రశ్నించిన మహిళలు
‘‘ఈ కాషాయ కండువా ఏమిటి? ఎమ్మెల్యేను మీరు కాషాయ కలర్‌ కండువాతో పోలింగ్ కేంద్రం లోపలకు ఎలా అనుమతిస్తారు. ఎమ్మెల్యేకి బుద్ధి ఉందా? అని ఎమ్మెల్యే, ఆయన అనుచరులతో మహిళలు వాగ్వాదానికి దిగారు.దీంతో పోలీసులు రంగప్రవేశం చేసి ఇరువర్గాలను శాంతింపజేశారు.