ప్రజల చూపంతా దళపతి వైపే.. ఏం మాట్లాడతారో అని ఆసక్తి

తమిళనాడు రాజకీయాలకు, సినీ తెరకు విడదీయరాని అనుబంధం ఉంది. ఆ రాష్ట్ర రాజకీయాలను కోలీవుడ్ నుంచి వచ్చిన వారే ఏలుతున్నారు. ఒకప్పటి రాజకీయ దిగ్గజాలైన కరుణానిధి, జయలలిత, ఎంజీఆర్, విజయ్ కాంత్ ఇలా చెప్పుకుంటూ పోతే జాబితా పెరుగుతూనే ఉంటుంది.

ప్రస్తుతం కోలీవుడ్ లో అగ్ర హీరోగా వెలుగొందుతున్న ఇళయ దళపతి విజయ్ రాజకీయాల్లోకి క్రియాశీలకంగా మారడానికి సిద్ధం అయ్యారు. ఆయన తన తొలి పార్టీ సభను నిర్వహించబోతున్నారు. ఇన్నాళ్లు రీల్ హీరోగా ఉన్న ఆయన ఇక నుంచి రియల్ హీరోగా మారడానికి ప్రయత్నాలు ప్రారంభించారని చెప్పవచ్చు. తమిళ వెట్రి కజగం పార్టీ తన తొలి సమావేశాన్ని విల్లుపురం గ్రామంలోని వికిరవండి ప్రదేశంలో ఏర్పాటు చేశారు.