‘బాధితులకు సత్వర న్యాయం జరగాలి’
‘‘కోల్‌కతాలో మహిళా డాక్టర్‌పై అత్యాచారం హత్య ఘటన దురదృష్టకరం. దేశంలో ఇలాంటి ఘటనలు పెరిగిపోతుండడం ఆందోళనకరం.’’ - అంబేకర్
కోల్‌కతాలో ట్రైనీ డాక్టర్‌పై అత్యాచారం, హత్య ఘటనను రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) జాతీయ సమన్వయ సదస్సు ఖండించింది. ఈ దుర్ఘటన బాధాకరమని ఆల్ ఇండియా క్యాంపెయిన్ చీఫ్ సునీల్ అంబేకర్ పేర్కొన్నారు.
మూడు రోజుల 'సమన్వాయి బైఠక్' ముగింపు అనంతరం ఆయన విలేకరులతో మాట్లాడారు. అత్యాచారానికి గురైన మహిళలకు సత్వర న్యాయం అందించేందుకు చట్టాలను, శిక్షలను సమీక్షించాల్సిన అవసరం ఉందన్నారు.
‘‘కోల్‌కతాలో మహిళా డాక్టర్‌పై అత్యాచారం హత్య ఘటన దురదృష్టకరం. దేశంలో ఇలాంటి ఘటనలు పెరిగిపోతుండడం ఆందోళనకరం. ప్రభుత్వ పాత్ర, అధికారిక విధివిధానాలు, చట్టాలు, శిక్షలు, విధివిధానాలపై సమావేశంలో చర్చించారు’’ అని అంబేకర్ తెలిపారు.
ఆగస్టు 9న కోల్‌కతాకు చెందిన ఆర్.జి. కార్ మెడికల్ కాలేజీ అండ్ హాస్పిటల్‌లో ఓ డాక్టర్‌పై అత్యాచారం చేసి హత్య చేశారు. ఈ కేసులో పౌర వాలంటీర్‌ను ఇప్పటికే అరెస్టు చేశారు. సీబీఐ ఈ కేసు విచారణ చేపట్టింది.