ఆదివాసీ చిత్రకారుడు మడావి ఆనంద్‌రావుకు రాష్ట్రపతి సత్కారం

- ఆనంద్ రాష్ట్రపతి భవన్‌లో 13 రోజుల పెయింటింగ్ వర్క్‌షాప్‌లో పాల్గొని, దీపావళికి నెమలి ఈక టోపీలతో అలంకరించిన సంప్రదాయ ‘గుస్సాడీ’లను చిత్రీకరించారు.దేశవ్యాప్తంగా వచ్చిన చిత్ర కళాకారులు సహజ రంగులను ఉపయోగించి అందమైన పెయింటింగ్‌లను రూపొందించారు.

- సౌర, గోండ్, వార్లీ, ఐపాన్, సొహరాయ్ వంటి కళారూపాలను ప్రదర్శించారు.దీపావళి సందర్భంగా ఆదివాసీలు జరుపుకునే గుస్సాడి లేదా దండారి పండుగను సూచించే సంప్రదాయ డ్రమ్ 'తుడుమ్'తో పాటు 'ఎథ్మసూర్పెన్'గా భావించే గుస్సాడిని తాను చిత్రించానని ఆనంద్ చెప్పారు.

ఎగ్జిబిషన్‌ను సందర్శించిన రాష్ట్రపతి ద్రౌపది ముర్ము ‘ఎలిఫెంట్‌ విత్‌ ట్రీస్‌’ అనే చిత్రాన్ని గీశారు.గిరిజనులకు,ప్రకృతికి మధ్య ఉన్న లోతైన అనుబంధాన్ని ఈ కళ ప్రతిబింబిస్తుందని రాష్ట్ర పతి ముర్మూ పేర్కొన్నారు. ఆదివాసీ కళాకారులను వారి రచనలను కొనుగోలు చేయడం ద్వారా వారిని ఆదుకోవాలని రాష్ట్రపతి ద్రౌపది ముర్మూ ప్రజలను కోరారు.సీనియర్ గోండు చిత్రకారుడు మడావి రాజేశ్వర్ ఆనంద్ అంకితభావాన్ని మెచ్చుకున్నారు.తాను మారుమూల గ్రామమైన బుసిమెట్ట నుంచి రాష్ట్రపతి భవన్‌కు చేరుకోవడం ఒక గొప్ప విజయమని మడావి ఆనంద్ రావు వ్యాఖ్యానించారు.