తీన్మార్ మల్లన్న కార్యాలయంపై జాగృతి కార్యకర్తల దాడి

బీసీలకు 42 శాతం రిజర్వేషన్ ఇస్తూ కాంగ్రెస్ ప్రభుత్వం ఆర్డినెన్స్ తీసుకురావాలని నిర్ణయించింది. ఆర్డినెన్స్ వచ్చిన తర్వాతే స్థానిక సంస్థల ఎన్నికలు నిర్వహించనున్నట్లు ముఖ్యమంత్రి రేవంత్ రెడ్డి ప్రకటించారు. ఈ నిర్ణయం పట్ల జాగృతి అధ్యక్షురాలు కవిత హర్షం వెలిబుచ్చారు. జాగృతి కార్యాలయంలో ఆమె సంబురాలు జరుపుకున్నారు.

‘‘కాంగ్రెస్ ప్రభుత్వం తీసుకున్న నిర్ణయానికి కవితకు ఏం సంబంధం అని మల్లన్న వ్యాఖ్యలు చేశారు. ఆమె ఏమన్న బీసీనా, కాంగ్రెస్ పార్టీ కార్యకర్తనా మరి సంబురాలు ఎందుకు చేసుకుంటున్నారు’’ అని తీన్మార్ మల్లన్న ప్రశ్నించారు. మల్లన్న చేసిన ఈ వ్యాఖ్యలు జాగృతి కార్యకర్తలకు అగ్రహం తెప్పించింది. ఆదివారం ఉదయం తీన్మార్ మల్లన్నకార్యాలయానికి వెళ్లి దాడులు చేశారు. సమాచారం అందుకున్న పోలీసులు తీన్మార్ కార్యాలయానికి వెళ్లి ఇరు వర్గాలకు చెందిన కార్యకర్తలను సముదాయించి పంపించివేశారు