మెగాస్టార్ చిరంజీవి తన భార్య సురేఖతో కలిసి ఓటు హక్కును వినియోగించుకున్నారు. ఓటు వేయడం ప్రతి ఓటరు బాధ్యత అని ఆయన తెలిపారు.
బీఆర్ఎస్ నేత, మాజీ మంత్రి, మేడ్చల్ ఎమ్మెల్యే మల్లారెడ్డి తన ఓటు హక్కును వినియోగించుకున్నారు. బోయిన్‌పల్లిలోని సెయింట్ పీటర్ హైస్కూల్‌లో ఆయన ఓటు వేశారు.
ఓటు వేసిన కిషన్ రెడ్డి
కాచిగూడ డివిజన్ దీక్ష మోడల్ స్కూల్‌లో బీజేపీ అభ్యర్థి, కేంద్ర మంత్రి కిషన్ రెడ్డి తన కుటుంబ సభ్యులతో కలిసి తన ఓటు హక్కును వినియోగించుకున్నారు.
తెలంగాణ రాష్ట్రంలోని 17 పార్లమెంట్ నియోజకవర్గాలు, సికింద్రాబాద్ కంటోన్మెంట్ అసెంబ్లీ నియోజకవర్గంలో సోమవారం తెల్లవారుజామున వివిధ పార్టీల పోలింగ్ ఏజెంట్ల సమక్షంలో మాక్ పోలింగ్ నిర్వహించారు. తెల్లవారుజామున అయిదు గంటల నుంచి ఆరున్నర గంటల దాకా మాక్ పోలింగ్ జరిపి అనంతరం ఏడు గంటలకు పోలింగ్ ప్రారంభిస్తామని పోలింగ్ కేంద్రం అధికారులు వెల్లడించారు.