కీలక మలుపు తిరిగిన ఐఏఎఫ్ అధికారిపై దాడి కేసు

బెంగళూర్ లో ఐఏఎఫ్ అధికారిపై దాడి జరిగిందన్న విషయం కీలకమలుపు తిరిగింది. ఈ కేసులో వింగ్ కమాండర్ శిలాదిత్య బోస్ పై పోలీసులు ఎఫ్ఐఆర్ నమోదు చేసి అదుపులోకి తీసుకున్నారు.

బెంగళూర్ లో ఒక రోడ్ లో వెళ్తుంటే కొంతమంది దుండగులు బైక్ పై వెంబడించి మాపై దాడి చేశారని వింగ్ కమాండర్ భార్య పోలీసులకు ఫిర్యాదు చేశారు. అయితే దాడికి సంబంధించిన సీసీఫుటేజీ, ఘర్షణ జరుగుతున్నప్పుడు వీడియో తీసిన సాధారణ ప్రజలు నుంచి సమాచారం సేకరించిన పోలీసులు వింగ్ కమాండర్ పై కూడా కేసు నమోదు చేశారు.

నిన్న ఉదయం బెంగళూర్ లో తాను, తన భార్య వెళ్తుంటే బైక్ పై కొంతమంది వెంబడించారని, వారంతా తన భార్యను అవమానించి కన్నడలో దూషించినట్లు శిలాదిత్య బోస్ ఒక వీడియోలో ఆరోపించారు. ఈ ఫిర్యాదుపై సాప్ట్వేర్ కంపెనీ కాల్ సెంటర్ లో టీమ్ హెడ్ గా పనిచేస్తున్న వికాస్ కుమార్ ను పోలీసులు అరెస్ట్ చేశారు.