పాశమైలారంలో ఉద్రిక్తత...పోలీసులపై రాళ్లు

పటాన్ చెరు పాశమైలారంలోని సిగాచి ఫ్యాక్టరీలో పేలుడు సంభవించి 14 మంది చనిపోయారని అధికారులు ప్రకటించినప్పటికీ చనిపోయిన వారు ఎక్కువగా ఉన్నట్లు తెలుస్తోంది. మూడు అంత స్థుల భవనం కూలి ఎంతమంది చనిపోయింది అనే విషయం ఇంకా తేలలేదు. మూడంతస్తుల భవనం పూర్తిగా కుప్పకూలింది. ప్రమాద సమయంలో మొత్తం 90 మంది ఉన్నారు. ప్రమాదం జరిగిన తర్వాత కేవలం 14  మంది చనిపోయారని అధికారులు చెబుతున్నారు. తమ వాళ్లు ఎక్కడ ఉన్నారని కుటుంబ సభ్యులు సిగాచీ ఫ్యాక్టరీకి చేరుకుంటున్నారు. ఆస్పత్రుల్లో కూడా తమవారు లేకపోవడంతో తమ వాళ్లు చనిపోయారా అని వారు అనుమానం వ్యక్తం చేస్తున్నారు.