కామారెడ్డిలో కుండపోత వర్షం

తెలంగాణ రాష్ట్రంలోని కామారెడ్డి జిల్లాల్లో గడచిన ఆరుగంటల్లో అతి భారీ వర్షాలు కురవడంతో జిల్లాలోని పలు ప్రాంతాలను వరదలు ముంచెత్తాయి. ఆకాశాసికి చిల్లులు పడినట్లుగా కుండపోత వర్షం కురుస్తుందని తెలంగాణ వెదర్ మ్యాన్ తెలిపారు. కామారెడ్డిలో 500 మిల్లీమీటర్ల వర్షపాతం నమోదైందని తెలంగాణ వెదర్ మ్యాన్ ప్రకటించారు. అతి భారీవర్షాల వల్ల గంటగంటకు వరద విపత్తు పెరుగుతోంది.

 లోతట్టు ప్రాంతాలు వరదనీటి చిక్కుకోవడంతో ప్రజలు అల్లాడుతున్నారు. పలు రోడ్లు వరదనీటికి కొట్టుకుపోవడంతో వాహనాల రాకపోకలు నిలిచాయి. కామారెడ్డిలో ఇప్పుడు ఏమి జరుగుతుందో వర్ణించలేని పరిస్థితులు నెలకొన్నాయి. గంట గంటకూ భయంకరంగా వరద పరిస్థితి మారుతోంది.

 రాజంపేటలో రికార్డు స్థాయిలో వర్షం

 మెదక్‌, కామారెడ్డి జిల్లాల్లో 3-4 గంటల పాటు అతి భారీ వర్షాలు కురుస్తున్నాయి. 600 మిల్లీమీటర్ల వర్షపాతం దాటే అవకాశం ఉందని వెదర్ మ్యాన్ చెప్పారు. 2023 వ సంవత్సరంలో భూపాలపల్లిలోని చిట్యాల్ ప్రాంతంలో 600 మిల్లీమీటర్ల వర్షపాతం నమోదైంది. ప్రస్థుత అతి భారీ వర్షాలు నాటి భూపాలపల్లి వదరలను గుర్తుకు తెస్తున్నాయి.