'ముగ్గురు పిల్లల' నిబంధన ..ఆశావహుల్లో టెన్షన్

తెలంగాణలో స్థానిక ఎన్నికల షెడ్యూల్ విడుదలైంది. ఎంపీటీసీ, జడ్పీటీసీ ఎన్నికల షెడ్యూల్‌ ప్రకటనతో పల్లెల్లో రాజకీయ వేడి రాజుకుంది. అయితే తెలంగాణ పంచాయతీ రాజ్ చట్టంలో మార్పుకు నోచుకోని ముగ్గురు పిల్లల నిబంధన ఈ ఎన్నికల్లో పోటీ చేయాలనుకుంటున్న ఎంతోమంది ఆశావహులను ఆందోళనకు గురిచేస్తోంది. ఎన్నికల ప్రకటనతో సంతోషించాలో, ఈ నిబంధన చూసి నిరాశ చెందాలో తెలియని గందరగోళంలో పలువురు నేతలు ఉన్నారు.ప్రస్తుతం తెలంగాణలో అమల్లో ఉన్న పంచాయతీరాజ్ చట్టం ప్రకారం, ఇద్దరి కంటే ఎక్కువ మంది పిల్లలు ఉన్నవారు స్థానిక ఎన్నికల్లో పోటీ చేయడానికి అనర్హులు. ఈ నిబంధన కారణంగా చాలా మంది నాయకులు పోటీకి దూరంగా ఉండాల్సిన పరిస్థితి ఏర్పడింది.